Miler fiton Çmimin e Madh të Francës, Markez dy herë në ‘rërë’
Australiani i Dukatit, Xhek Miler, fiton në pisten e Le Mans në një ditë me kushte të jashtëzakonshme klimaterike. Pas tij Dukati tjetër Johan Zarko dhe i treti Fabio Kurtararo me Yamaha.
‘Çmimi i Madh’ i dytë për Miler, i cili edhe pse u nis jo favort duke startuar nga vendi i tretë pas Kuartararos dhe Vinjales, ia doli të triumfojë. Madje duke shlyer dhe dy penalizime të komisarëve të pistës.
Një garë e cila nisi me vrull ku Kuartararo humbi që në kthesën e parë kryesimin. Pas 6 xhirove, për shkak të shiut të shtuar në pistë, u shfaq flamuri i bardhë duke ju dhënë të drejtë pilotëve të futen në bokse për të këmbyer motorrët.
Nga kjo situatë me Kuartararon i pari dhe Mark Markez i dyti, ishte 8 herë kampioni spanjoll që doli i pari pasi francezi gaboi skuderi.
Por edhe pse u pa një motor me numër 93 (Honda e Markez) që fluturonte në krye duke krijuar diferencë me ndjekësit, sërish spanjolli përndiqet nga aksidentet dhe bie në pistë. Madje edhe pasi u fut në garë te vendi i 15-të, sërish u rrëzua duke mbyllur garën.
Në finale Kuartararao i dyti u detyrua të linte vendin Johan Zarko-së pasi motori kishte konsumuar dukshëm gomat.
Pas garës numër 5-së, Botërori kryesohet nga Kuartararao me 80 pikë i ndjekut nga Banjaia me 79, Zarko me 68 dhe Miler me 64 pikë.
Mbërritja në Le Mans:
