Gigs në telashe, Uellsi drejtohet nga Page
Rajan Gigs nuk do të drejtojë ekipin kombëtar të Uellsit në kampionatin e ardhshme evropian. I arrestuar në nëntor për veprime të pretenduara dhune ndaj dy personave, Gigs është akuzuar dhe do të duhet të paraqitet në gjyq për të hequr akuzat më 28 prill.
Në një deklaratë zyrtare, Federata Uellsiane e Futbollit njoftoi se trajneri i përkohshëm do të jetë Robert Page, i cili tashmë kishte zëvendësuar ish-anësorin e Manchester United në ndeshjet e fundit:
“Federata Uellsiane e Futbollit ka marrë një shkrsë për vendimin e Shërbimit të Prokurorisë së Kurorës për të vazhduar me akuzat kundër Ryan Giggs. Në dritën e këtij vendimi, ne mund të konfirmojmë se Robert Page do të marrë rolin e trajnerit të ekipit kombëtar (meshkuj) për EURO 2020 dhe do të ndihmohet nga Albert Stuivenberg. Një mbledhje e Këshillit Federal do të thirret për të diskutuar këto zhvillime dhe ndikimin e tyre në Federatë dhe ekipin kombëtar. Ne nuk do të bëjmë komente të mëtejshme në këtë kohë “.
Sakaq, Shërbimi i Prokurorisë së Kurorës tha në një deklaratë zyrtare: “Ne kemi autorizuar policinë e Mançesterit që të akuzojë Ryan Giggs për kontroll detyrues dhe sulm ndaj një gruaje. Akuza e sulmit me rrahje gjithashtu është autorizuar. Ndaj një gruaje të dytë. PSC vendosi të padisë z. Giggs pasi shqyrtoi provat nga policia e Mançesterit “.
