Radha e Tiranës, Bylis e Kukësi për pikë maksimale
Bylis- Kastrioti hap ndeshjet e javës së 26 të ditës së diel.
Pas dy ndeshjeve emocionuese të shtunën ndërsa Teuta mundi Laçin 1-0 dhe Vllaznia u ndal nga Partizani 0-0, sot tri sfida të tjera për të kompletuar javën.
Në ‘Adush Muça’ vendasit e Dovedan i kanë të gjitha mundësitë për të rihapur kartat e largimit nga vendi i tetë. Do të presë krutanët të cilët në disa raste pësojnë kur nuk duhet. E kur ngjet shpesh, atëherë rivalët të kërcënojnë. Ndeshja nis në 13:00.
Dy takime të tjera në 16:00. Kukësi në ‘Elbasan Arena’ për tu ndeshur me Skënderbeun e përfshirë te zona e rrëzimit dhe me mundësinë e fundit për të tentuar europën ndërsa bardhekuqtë për të kërkuar pikë shpëtimtare.
Ndërkaq, Tirana do të luajë takimin e saj me Apoloninë në ‘Air Albania Stadium’. Ndeshje mjaft vendimtare për formacionin e Orges Shehit në betejen për tu rikthyer në ‘valle’ të zonës së kreut. Fierakët kanë vetëm një rrugë në misionin për të qëndruar. Të fitojnë.
Ndeshjet sot java e 26-të Superiore:
13:00
Bylis- Kastrioti
16:00
Kukësi- Skënderbeu (Elbasan Arena’)
Tirana- Apolonia (Air Albania Stadium’)