Nisin provat, Formula 1 premton spektakël
Kampionati nis me 28 mars në Bahrein dhe mbyllet në 12 dhjetor në Emiratet e Bashkuara Arabe.
Nisën sot provat e Formula 1 në Sakhir të Bahreinit me pjesëmarrjen e 10 skuderive. Të parat, janë shoqëruar nga një stuhi rëre në orët e mesditës duke e bërë të vështirë garën testuese.
Verstapen vendosi kohën më të mirë (1.30.674) përpara Lando Norris me McLaren – 215 të mijtat prapa – dhe Esteban Okon në Alpine (+0.472). I katërti Lance Stroll me Aston Martin përpara Karlos Sainz me Ferrari SF21 (+1.245).
Kampioni në fuqi i Botërorit të kaluar Luis Hamilton, nuk shkoi më poshtë se vendi i dhjetë.Edhe Sharls Leklerk pati probleme me makinën e Ferrarit e cila ka marrë emrin e ri SP21. U rendit i 11-ti.
Këto janë skuderitë pjesëmarrëse të edicionit të ri:
1. Red Bull
2. Mercedes
3. Aston Martin
4. McLaren
5. Ferrari
6. Alpine
7. Alphatauri
8. Alfa Romeo
9. Williams
10. Haas