Dallgë te Tirana e piktorë te Kastrioti, batuta ka kudo
Vëzhgim:
Kur trajnerët kthehen në karizmatikë.
Tri takime sot për javën e 14-të të sezonit të 82 në Kategorinë Superiore me fitoret e pritshme të Tiranës e Partizanit të cilat ndëshkuan respektivisht Kastriotin e Skënderbeun me të njëjtin rezultat 2-1.
Befasi në Fier aty ku bardhjeshilët mundin Laçin 1-0.
Por tej shifrave teknikë, ajo që u pa pas ndeshjeve ishte loja e trajnerëve në konferecën për shtyp.
Pikante nga trajnerët:
Nevil Dede, Tirana:
“Te Tirana nuk të fal askush asgjë, duhet ta marrësh gjithmonë.
Ka kaluar një dallgë, po ky klub ka gjithmonë dallgë, deti është i trazuar dhe kur nuk ka rezultate përsëriten situatat”
Ramazan Ndreu, Kastrioti:
“Në pjesën e parë kishim në fushë dy piktorë, pasi nuk mund t’u thuash futbollistë atyre që shëtisin. “
Kabricio Kamarata, Apolonia:
“Derisa jemi në fund, një problem e kemi. Jam këtu për vlerat që ka Apolonia”
Shpëtim Duro, Laçi:
“Pse ishte faull goli i Apolonisë? Nuk e kisha kuptuar gjatë lojës. I kam frikë të tilla ndeshje”
Julian Ahmataj Skënderbeu:
“Nuk ke çfar ti analizosh kësaj ndeshjeje. Me kthimin e Shalës do rregullohemi, Ai është lider në mbrojtje”.
Ilir Daja, Partizani:
“Skemat sot ishin në plan të dytë”.