Luan vetëm Rroca, Istanbulspor i dyti
Istanbulspor ekipi në përbërje të të cilit janë 3 ish-futbollistë të Kukësit, shpartallon 5-0 Balikesirspor.
Ndonëse në formacionin e sotëm, u aktivizua vetëm fantazisti Eduart Rroca, skuadra arriti të mbyllë me tri pikë e për më tepër të kapë vendin e dytë në Ligën e parë turke. Pozicion i cili në fund të sezonit konvertohet në ngjitje automatike në elitën e Turqisë.
Interesant fakti që në këtë takim u akorduan dy penallti për vendasit dhe në asnjërën prej tyre nuk iu besua lojtarit më të mirë të Istanbulspor, Rrocës.
Valon Et’hemi ndërsa u prezantua në 5 janar, ende nuk ka arritur të grumbullohet. Në klubin turk po ndiqet hierearkia me futbollistin që pritet të bashkohet me grupin këtë javë.
