Troisi ndërron ‘lic’, shkarkohet nga Turbina
Trajneri shumëshetitës Marcelo Troisi zyrtarisht nuk është më pjesë e Turbinës së Cerrikut. Braziliani, ditën e djeshme është përshëndetur me futbollistët përmes “sms”-ve dhe më pas është larguar.
Konfirmimi për largimin e tij nga stoli i Turbinës u bë zyrtar edhe nga presidenti i Turbinës Gentian Gjoka i cili tha se e ka shkarkuar trajnerin për mosrealizim objektivi.
“Profesor Marcello Troisi nuk do të jetë më pjesë e Turbinës!
Tekniku brazilian është larguar nga Turbina dhe duke na falënderuar dhe respektuar, por për arsyet e tij ai ka dhënë dorëheqjen. Ne e falënderojmë për të gjithë punën e bërë dhe për kontributin e tij tek ekipi i Turbinës! Faleminderit dhe suksese profesor Troisi”, njofton Turbina.