Teuta thyhet në shtëpi nga Partizani…
Miqësore në “Olympic Park” Durrës : Teuta- Partizani 1-2
Teuta nuk po shfaqet e fortë në këtë periudhë testesh miqësore. Sot ndaj Partizanit në Durrës, skuadra e Martinit është mundur 1-2 nga Partizani i Tiranës në një sfidë e cila u ndoq nga shumë sipmatizantë.
Ishte beratasi i mbrojtjes së Partizanit Enea Bitri ai që shënoi pak pa u mbushur 30 minuta lojë duke e dërguar skuadrën e tij në pushim me avantazhin e golit të minutës së 28-të.
Në të dytën, Teuta barazon pas një devijimi të Bitrit që shënon në portën e kuqe. Në të 85-ën sërish Partizani i Dajës kalon përpara duke shënuar me Kardozon.
Në fraksionin e parë teknikët hodhën formacionet më të mira në dispozicion. Në pjesën e dytë shefat respektivë kryen zëvëndësime të shumta.