Dida, i portës kuqezi, rikthehet te Milani…
A ju kujtohet braziliani Nelson Dida, portieri i “djajve” kuqezinj? Mësohet se ai është rikthyer në Milano.
“Sky” konfirmon, se protagonisti i skuadrës së Karlo Ançelotit, që shkëlqeu në Champions League dhe fitoi një titull europian, do të jetë përgatitësi i ri i portierëve të skuadrës së Milanit. Braziliani Nelson Dida do të zërë vendin e Luixhi Turkit.
46-vjeçari, ish-portieri i portës së Milanit për një dekadë (2000-2010), vetëm para 5 vitesh e ka ndërprerë karrierën sportive. Për herë të fundit, Dida ka luajtur me skuadrën Internacional të Porto Alegres.
