Franca, dy vite më parë pushtoi botën e futbollit

Si sot dy vite më parë, Franca në një finale spektakolare me Kroacinë, fitonte titullin kampione e botës në Rusi. Mediat franceze, por jo vetëm, kujtojnë me krenari suksesin e skuadrës së Deshapms.

Franca shpallej kampione dhe ngjitej në majën e botës pas 20 vitesh në futboll. E bëri duke kaluar të gjitha rivalet që në grup, deri sa mbërriti në finale për të mposhtur 4-2 Kroacinë elegante të Luka Modriç me shokë.

Sot pas dy viteve, mediat franceze, por jo vetëm, kujtojnë me krenari suksesin e skuadrës së Deshapms. Të dytin në historinë transalpine.

Skeda e FRANCË-KROACI 4-2, 15 korrik 2018 në Rusi:
Shënues: 18′ Manxhukiç (ag), 38′ Grizman (p), 59′ Pogba, 65′ Mbape / 28′ Perishiç, 68′ Manxhukiç