Seria A, sot – kalendari dhe orari i ndeshjeve

“Drita jeshile” që hapi mbrëmë ministri Spadafora, për mundësinë e rifillimit të Seria A më 20 qershor, e ka detyruar Ligën Italiane të Futbollit të mblidhet në një asamble për të përcaktuar kalendarin dhe oraret e ndeshjeve.

Dy janë pikat kryesore që do të diskutohen. Seria A do të ristartojë me ndeshjet e prapapmbetura të javës së 25-të: Atalanta – Sasuolo, Verona – Kaljari, Inter – Sampdoria dhe Torino – Parma, apo të luhen gjysmëfinalen e kthimit të kupës së Italisë, siç ishte planifikuar më parë? Në tryezë është edhe opsioni, që ndeshjet e prapambetura të rikuperohen gjatë javëve në vazhdim të Seria A.

Diskutime të shumta në asmable pritet të ketë edhe për oraret e ndeshjeve. Kundërshtimet vinë nga futbollistët. Ata të detyruar të luajnë në muajt qershor dhe korrik kërkojnë me çdo kusht të shmangin të nxehtin e verës dhe për pasojë edhe ndeshjet në mesditë. Oraret 17:15, 19:30 dhe 21:45 janë mundësi, që sot do të përzgjidhen nga drejtuesit e skuadrave të Seria A në asamble.

Në pritje të lejes nga kryeministri Konte për të ristartuar Seria A, liga italiane po merr masat për të mos humbur më kohë…