Muçi? Sirena turke për 19 vjeçarin…
Ernest Muçi, talenti 19 vjeçar i Tiranës, futet në radarët e Menemenspor të Ligës së dytë në Turqi.
Mediat turke pranë klubit të Selmanit dhe Domgjonit në Izmir, shkruajnë se 19-vjeçari konsiderohet një përforcim i rëndësishëm për të ardhmen e Menemenspor.
Për këtë arsye, drejtuesit janë gati të hapin ‘kasafortat’ e të bëjnë ofertën për sulmuesin e talentuar.
Muçi vlerësohet goxha nga klubi Tirana dhe një kalim i tij drejt turqisë pritet të shoqërohet me një kontratë e cila mund të shkojë deri në 450 mijë euro.
Në fakt drejtuesit e Menemespor kanë më se një javë teksa kanë deklaruar se janë duke punuar me pistën shqiptare. Pikasja e Muçit, tregon se ku ka zë, nuk është pa gjë…