Partizani i pjesës së dytë…fitues
Kategoria Superiore java e 11-të: Partizani- Luftetari 2-0 (Çinari 54′, Asani 56′ pen)
● Me dy gola në startin e fraksionit të dytë, Partizani i Tiranës, mund Luftetarin e Gjirokastrës në shifrat 2-0. Vendimtar Alban Hoxha në minutën e 17-të, teksa mban të tijtë në lojë pas një penalltie të pritur kapitenit mik Rapo.
Sfida e parafundit e javës së 11-të, luajtur mbrëmjen e sotme në ‘Selman Stërmasi’, nisi me rastin e parë të vështirë te porta e Paiteris ndërsa Bitri pas devijimit të mbrojtësëvemiq, prek shtyllën.
Me Partizanin kërkues, mbrrihet te e 16-ta kur Luftetari në daljen e parë të vertetë, fiton një penallti me Dushkajn. Autori i ndërhyrjes beratasi Bitri.
Paraqitet kapiteni Rapo i cili godet në të majtë të Hoxhës, aty ku kapiteni i kuq, bën mrekullinë duke pritur e mbajtur të tijtë në lojë.
Në pjesën e dytë Lerda, tekniku i Partizanit, kryen dy zevëndësime teksa në lojë hedh Asanin dhe Romeron. Lëvizje e goditur pasi skuadra fiton metra dhe bëhët me atratkive përpara. Dhe nuk vonon…
Lorenc Trashi hedh një top nga e majta në zonë aty ku Çinari me një goditje të beftë me kokë, shënon golin e parë. Pa kaluar një minutë, Asani ndërmerr një aksion personal teksa në zonë, pengimi konvertohet në penallti të cilën e shndërron në gol po vetë.
Ishte e 56-ta. Më pas kampionët kontrollojnë dhe rrezikojnë sërish por deri në fund, shifrat nuk ndryshuan. Partizani merr tri pikë dhe kryeson i vetëm në tabelë me 21 pikë.
