Selmani, vjen trofeu i parë turk…
Finalja e TSYD Cup në Turqi, luajtur sot mes Altinordu dhe Menemenspor të Gentian Selmanit u fitua nga ekipi i sh-kapitenit të Laçit.
Edhe pse një kupë simbolike dhe pa shumë rëndësi, skuadra “Mene” pasi siguroi finalen ndaj Karsijakës (1-0), sot shkatërroi Altinordu në shifra 0-3.
Skuadra e trajnerit Ramazan Kurshunlu, në përbërje të së cilës ishte edhe 21 vjeçari i kombëtares shqiptare, kaloi përpara në të 20-tën me Muhamed Ali Dogan, ndërsa në të 45+2, realizoi edhe të dytin me Halil Shonmez.
Në pjesën e dytë, sërish Menemenspor shkoi në gol në të 47-tën teksa këtë radhë ishte Murat Elktamish që realizoi për 0-3.
Me gjithë përpjekjet e Altinordu, porta e Selmanit nuk u kalua asnjëherë. Në fund, trofeu për Selmanin dhe skuadrën e tij.