Leverkusen, goditje prej kampioni…
Bajern Leverkusen realizon një goditje prej kampioni. “Aspirinat” kanë rrëmbyer talentin e përfaqësueses gjermane deri në 21 vjeç, Nadiem Amiri. Kontrata deri në 30 qershor 2024.
Sulmuesi anësor, protagonist në finalen e Europianit gjatë qershorit në Itali, teksa Gjermania deri në 21 vjeç u mund në finale nga Spanja homologe në shifra 2-1, ishte pjesë e Hofenheimit në Bundesligë.
Këta të fundit, kanë pranuar 10 milione euro, duke lënë të lirë talentin Amiri. Nadiem ka veshur deri tani, të gjitha fanelat e përfaqësueseve të moshave të Gjermanisë, duke filluar nga U-18, U-19, U-20 dhe U21.
Në Gjermani, e konsiderojnë si ndër lojtarët me shumë të ardhme.