Ndreca zgjedh të luajë te Bylis…
Bylis i Ballshit, i ngjitur si kampion në Superiore, ka zyrtarizuar dy futbollistë të rinj. Në mallakastër, do të kontribuojnë me grupin e Dovedan edhe sulmuesi Eridon Qardaku, teksa ka firmosur për 4 vite si dhe laçiani Edison Ndreca.
Nëse Qardaku konsiderohet një talent i së ardhmes, Ndreca tashmë një lojtar me eksperiencë, pritet të ndihmojë Bylisin në synimet sezonale.
Edison Ndreca, i dalë nga ekipet zinxhirë të bardhezinjëve, pas angazhimit me kurbinasit, provoi në Lezhë me Besëlidhjen, ndërsa më pas, u aktivizua te Teuta, Kastrioti dhe nga sot te Bylis. Aty ku me gjasë, do të gjëjë bashkëqytetarin Alfred Zefi.