Mbrojtësi Pepe, mungesë e sigurtë në finale
Braziliani i natyralizuar, qëndërmbrojtësi Pepe i Porugalisë, nuk do të jetë në gjendje të luajë dhe të ndihmojë luzitanët në finalen e së dielës për trofeun e Nations League.
Sipas gazetës portugeze “A BOLA”, mbrojtësi 36-vjeçar që luan me Porton, ka pësuar një dëmtim në shpatull, arsye e mjaftueshme kjo për të mos qenë i gatshëm për ndeshjen e radhes për trajnerin e luzitanëve, Fernando Santos.
Në minutën e 63-të të ndeshjes ndaj Zvicrës, Pepe u zëvendësua nga Hoze Fonte për shkak të dëmtimit.