Ndërron jetë ish-presidenti Johanson!
Bota e futbollit sot është në zi. Federata Suedeze e Futbollit ka njoftuar lajmin e kobshëm se Lenard Johanson, ish-president i UEFA-s, pas një sëmundjeje, të marten në mbrëmje, ka ndërruar jetë në moshën 89-vjeçare.
Suedezi Johanson ishte njeriu më i rëndësishëm i futbollit europian, duke patur një ndikim të rëndësishëm në forcimin e UEFA-s, të cilën ai e drejtoi për 17 vite, nga viti 1990 deri më 2007, ku humbi garën përballë kandidimit të Mishel Platinisë.
Presidenti i nderit i UEFA-s Lenard Johanson, që ka qenë për vizitë edhe në Shqipëri, njihet edhe si “babai” i Champions League, veprimtari me të cilën tashmë krenohet futbolli europian.