U-21: Mersinaj dëmtohet, e zëvendëson Vila
Shqipëria U-21 është duke kryer përgatitje intensive për ndeshjen zyrtare me Turqinë në transfertë dhe dy miqësoret me Uellsin.
21-vjeçarët e trajnerit Bushi janë grumbulluar dhe stërvitur në qytetin e Elbasanit për disa ditë, ndërsa tani ndodhen në kompleksin “Tropikal”, ku do të qëndrojnë deri në datë 5 qershor kur dhe do të nisen për në Stamboll.
Sot ka pasur ndryshime në listën e Bushit. Mbrojtësi Jon Mersinaj i Laçit, për shkak dëmtimi, është larguar nga grumbullimi dhe nuk do të jetë i disponueshëm për këto ndeshje. Në vend të tij është grumbulluar Lorenco Vila nga nga skuadra e Teutës.
