Kuqezinjtë e rinj fitojnë 3-1 ndaj Kosovës
Përfaqësuesja e 19 vjeçarëve, e drejtuar nga trajneri Nevil Dede, ka arritur të fitojë me rezultatin 3-1 ndaj bashkombasve të Kosovës, në ndeshje e parë miqësore të zhvilluar sot në Drenas, në stadiumin “Rexhep Rexhepi”.
Kuqezinjtë e trajnerit Dede kanë zhvilluar një lojë të bukur në pjesën e parë, duke luajtur një në sulm. Kosova kaloi e para në avantazh me anë të Albin Prapashticës që kaloi vendasit në avantazh në minutën e 33-të.
Përtej disavantazhit kuqezinjtë vazhduan lojën sulmuese dhe arritën të barazojnë në minutën e 42-të me anë të Ernest Muçit. Me rezultatin 1-1 u mbyll dhe fraksioni i parë i ndeshjes.
Në pjesën e mbetur skuadra e Dedes ka dominuar mbi kundërshtarin, duke arritur të shënojë dy herë, me anë të Muçit përsëri në minutën e 69-të dhe Armando Brojas në minutën e 80-të, vulosi dhe rezultatin 3-1, që nuk ndryshoi deri në fund.
Kosova dhe Shqipëria do të luajë dhe një miqësore tjetër, më 5 qershor në Prishtinë në stadiumin “Fadil Vokrri”, njofton FSHF.
Shqipëria U-19 zbriti në fushën e lojës me këtë formacion: Malaj, Rexhepi, Lucaj, Selishta, Hida, Morina, Rrapaj, Karica, Muçi, Prengaj dhe Broja (U aktivizuan: Shiba, Beqja, Selita, Haveri, Asllani dhe Ajazi).
