Nejmar nuk është më kapiteni i Brazilit
● Trajneri Tite ndëshkon yllin. Shiriti i kapiteni i jepet mbrojtësit 36-vjeçar, Dani Alvesh.
Incidenti në finalen e Kupës së Francës ndaj Renes, i ka kushtuar jo pak yllit brazilian të Paris SG. Përpos ndëshkimit disiplinor dhe administrative nga klubi dhe federate franceze, Nejmar tani ndëshkohet edhe nga trajneri i kombëtares së Brazilit.
Tite, në prag të Kupën së Amerikës Latine, që do të zhvillohet nga 14 qershori deri më 7 korrik në vendin e sambas, ka vendosur që kapiten i Brazilit të mos jetë Nejmar, për shkak të incidetit të shkaktuar në Francë.
Shiritin e kapitenit në këtë aktivitet kaq të rëndësishëm, do ta mbajë shoku i tij i skuadrës së luan me PSG, mbrojtësi 36-vjeçar Dani Alvesh. Këtë lajm e bën të ditur vetë Federata Braziliane e Futbollit, e cila shton, se “Vendimi i është shpjeguar Nejmarit nga vetë trajneri Tite,”- thuhet në njoftim.
