Formula E, homazh për legjendën Lauda…
Provat zyrtare për “pole-position”, që po zhvillohen në Berlin të Gjermanisë në Formula E, nisën me një ceremoni homazhi në respekt të një piloti legjendar në botën e makinave.
Jo vetëm Ferrari, por të gjitha skuderitë, zyrtarët, tifozët e pranishëm në këto prova, heshtën për 1 minut në kujtim të legjendës, pilotit austriak, Niki Lauda, i cili më 20 maj, në moshën 70-vjeçare, i dha lamtumirën kësaj bote.
Ishte një homazh për këtë figure, i cili ishte bërë një simbol emblemë për sportin e Formula 1, që do t’i mungojë botës së makinave, por jo historisë së saj me tri titujt e kampionit të botës dhe shumë ngjarjeve të karrierës së tij sportive.