Feronikeli njeh rivalin në Champions…
● Më 25 qershor, në stadiumin “Fadil Vokrri” të Prishtinës, Feronikeli do të ndeshet me Santa Colomën, kampionen e Andorrës
Kampionia e Kosovës, skuadra e Feronikelit, që fitoi Ipko Superligën këtë edicion do të luajë në ndeshjet paraeliminatore në Champions League.
Kundërshtari i parë i skuadrës së “industrialistëve” që drejtohen nga Zekirja Ramadani, do të jetë ekipi Santa Coloma, që ka fituar titullin kampion në Andorra. Ky takim do të zhvillohet më 25 qershor në stadiumin “Fadil Vokrri” të Prishtinës.
Np rast kualifikimi, Feronikeli do të ndeshet në vazhdim me fituesen e çiftit Lincoln Reds me kampionen e San Marinos që ende nuk është përcaktuar.
