“Qytetare Nderi”, Mile në krah të mamasë…
● E lindur në Kurbin, kampionia e viteve ’80-të në atletikë, Marinda Preka, realizon endrren – “Qytetare Nderi”
Vangjel Mile, beratasi që për shume edicione ka veshur fanela të ndryshme ne Superiore dhe Kategori të Pare, e sheh vetën gjithnjë e me larg futbollit të luajtur.
Madje pas angazhimeve të fundit me Egnatian, 32-vjeçari duket se ka gjetur qetësi duke ushtruar profesionin e mësuesit në njërin nga gjimnazet e Durrësit. Paralelisht, “Gjeli”, stërvit në Durrës edhe skuadren private të moshave (14-18 vjeç) të “Shqiponjës”
Por dje Mile, ndërsa e ëma e tij, kampionia e atletikes në garat e mesme dhe të gjata para dhe pas viteve ’80, Marinda Preka mori titullin e lartë “Qytetare Nderi” e Kurbinit, ishte në ceremoninë e akordimit të “trofeut” prestigjioz në Laç.
“Jemi e gjithë familja në ditën e madhe të mamasë. E nderoi siç i ka hije vendlindja e saj dhe mirënjohja jonë për të gjithë ata që punuan dhe konkretizuan këtë vendim, është e madhe”,– tha Vangjel Mile pas ceremonisë së akordimit të titullit “Qytetare Nderi” e Kurbinit, znj Marinda Preka.
