Klubi i vjetër del në shitje…
Xhenova ne shitje. Presidenti i skuadrës ligure Enriko Preciozi, përmes sajtit të klubit, ka bërë të ditur se e ka kaluar klubin e vjetër italian nën jurdiksionin e shoqërisë së madhe italiane Assietta Spa, për të udhëhequr procesin e shitjes.
Deri tani, askush nuk ka shfaqur interes për t’u afruar dhe drejtuar në të ardhmen klubin e Xhenovas.
Ndërkaq, skuadra e Serisë A, dy javë nga fundi i kampionatit, gjëndet në vështirësi duke u renditur vetëm një pikë mbi zonën e ftohtë që mbahet provizorisht nga Empoli.
Këtë javë, Xhenova pret Kaljarin ndërsa në fund, do të udhëtojë drejt Firences, për t’u përballur me Fiorentinën në krizë rezultatesh.