Balakov, trajneri i ri i Bullgarisë…
Ish-mesfushori i shquar Krasimir Balakov do të jetë trajneri i kombëtares së Bullgarisë. Lajmi është bërë i ditur nga Federata Bullgare e Futbollit.
53-vjeçari Balakov, që zëvendëson Petar Hubshev në krye të pankinës bullgare, ka nënshkruar sot një kontratë deri në fund të nëntorit të 2021-it, kohë kur përfundojnë edhe eliminatoret e Botërorit 2022. Më herët ai drejtonte ekipin e Etarit, në kampionatin bullgar.
Në eliminatoret e Euro 2020, Bullgaria bën pjesë në grupin A, së bashku me Anglinë, Republikën Çeke, Kosovën dhe Malin e Zi. Ajo ka zhvilluar dy takime, duke patur 2 pikë, pas barazimeve me Malin e Zi dhe së fundmi me Kosovën.
