Ikën Kanavaro, gati rikthimi i Lipit…
Ish-kampioni i botës, Fabio Kanavaro, nëpërmjet një deklerate për agjensinë e lajmeve italiane ANSA, njofton se ka dhënë dorëheqjen e detyra e trajnerit të kombëtares së Kinës. Ai falenderon federatën e këtij vendi për respektin e treguar ndaj tij, duke shtuar se në vazhdim do të punojë vetëm si trajner i skuadrës së Guanzhout.
Në vendin e tij, gati për t’u kthyer është Marçelo Lipi. Trajneri toskan, rreth 3 muaj më parë, pas eliminimit nga Kupa e Azisë, u largua nga pankina e Kinës, post i cili iu besua Fabio Kanavaros, të cilit asnjëherë nuk iu ofrua një kontratë e vërtetë.
Kjo është edhe arsyeja, sipas “La Gazzetta dello Sport”, që Marçelo Lipi është gati të rikthet në stolin e kombëtares së Kinës.
