Kukësi huq, Teuta pikë shprese për Europën
● Kukësi-Teuta 0-0. Në Kamëz, Kukësi frenohet nga Teuta. Me gjasë, verilindorët i thanë lamtumirë ëndrres për të mberritur te trofeu i kampionit.
Zbehet lufta për të konkruar titullin e këtij sezoni në Superiore. Kundërshtari më potent i Partizanit në klasifikim, Kukësi, humbi sot mundësinë e mirë për të shtuar presionin te të kuqtë kryeqytetas, që dje barazuan në shtëpi me Laçin 1-1.
Në Kamëz, kuksianët e Ernest Gjokës, patën përballë Teuten e Durrësit për llogari të javës së 31-të. Vëndi i dytë provizor Kukësi, shihej favorit para ndeshjes, por në fushë u pa shpesh një Teutë mjaft dinamike.
Rastet sporadike me verilindorët kërkues, ia lanë vendin rastin e minutës së 94-t, ndërsa Rexhinaldo i vetëm me Hidin, goditi keq për t’u ndalur nga shtylla. Pas këtij takimi, duket se Kukësi i ka dhënë fund ëndrres drejt titullit. Me barazimin e arritur, Teuta mbetet në zonën “Euro”, ndërkohë që në këtë grup janë disa skuadra.