Lituania, fitorja e dytë e Shqipërisë U-16
Në “International U-16 Tournament”, që u zhvillua në Turqi, kuqezinjtë e vegjël 16 vjeçarë, të drejtuar nga trajneri Elvin Beqiri, kanë fituar 3-0 edhe ndaj Lituanisë, në ndeshjen e fundit të këtij eventi.
Trajneri Beqiri e ka nisur takimin me 16 vjeçarët: Simoni, Zhuzhi, Pano, Zabeli, Kurbasha, Neziri, Kote, Stafa, Halili, Bajraktari dhe Çereni.
Pjesa e pare është dominuar e gjitha nga kuqezinjtë, që sulmet e vazhdueshme i finalizuan në minutën e 26-të me anë të Bajraktarit. Me rezultatin 1-0 u mbyll fraksioni i parë i ndeshjes.
Pjesa e dytë filloi ashtu si u mbyll dhe e para, me kuqezinjtë e vegjël të Beqirit që ka sulmuar portën e lituanezëve, duke gjetur menjëherë golin e dytë me anë të Nezirit, në minutën e 45-të.
Në fundin e ndeshjes, kapiteni Çereni shënoi golin e tretë në minutën e 77-të, duke fiksuar dhe rezultatin final 3-0 të ndeshjes.
Ky këtë turne ndërkombëtar në Turqi, përfaqësuesja e Shqipërisë U-16, arriti këto rezultate:
15 prill: Shqipëri-Bjellorusi 1-0
17 prill: Turqi-Shqipëri 1-0
19 prill: Lituani-Shqipëri 0-3