Ylli kroat, zgjat kontratën me Juven
Pas shumë hamendësimeve, vjen radha e së vërtetës. Mario Mandzukiç, nënkampioni botës me Kroacinë, ka firmosur zgjatjen e kontratës me Juventus. Kontrata që shkon deri në vitin 2021, është zyrtarizuar sot, teksa sulmuesi kroat i “zonjës”, do të ecë ende me torinezët.
Komunikata e dalë nga klubi bardhezi, sqaron detajet, ndërkohë që Mandzukiç, vlerësohet si ndër futbollistët më të dobishem te Juve. “Determinant, deçiziv dhe i aftë të luftojë në çdo sektor të fushës. Sulmuesi modern, me fizik për t’u admiruar”-thuhet nga klubi