Kanavaro, dy humbje që në start…
Ish-“Topi i Artë” dhe kampioni i botës më 2006, italiani Fabio Kanavaro, e ka nisur në mënyrën më të keqe të mundshme karrierën e tij, si trajner i kombëtares së Kinës.
Në turneun ndërkombëtar “Kina Kup”, skuadra përfaqësuese e këtij vendi të madh aziatik, e drejtuar prej ish-mbrojtësit të shquar axurr Fabio Kanavaro pas largimit të Marcelo Lipit, u rendit e fundit midis 4 skuadrave pjesëamrrëse në këtë veprimtari.
Pasi u mund në takimin e parë ndaj Tajlandës, të besuarit e Kanaravos humbën 1-0 edhe ndeshjen e dytë në “finalen e vogël” ndaj Uzbekistanit, në stadiumin e Nankingut.
Ndërkohë, në finalen e këtij turneu ndërkombëtar, “çelestët” e Uruguajit të Oskar Tabarezit, shpartalluan 4-0 Tajlandën dhe fituan trofeun “Kina Kup”.
Mesa duket nuk thonë kot, se tjetër është të luash në fushën e blertë dhe tjetër është të drejtosh në pankinë…