Pogba “promovon” trajnerin Solskjaer

Kapiteni Pol Pogba nuk e ka fshehur në asnjë rast qëndrimin e tij pro norvegjezit Ole Gunar Solskjaer, i cili ka zëvendësuar Hoze Mourinjon tek “djajtë”.

Që nga ardhja e tij në krye të Junajtid, francezi ka rilindur dhe Pol, sapo gjen rast, promovon trajnerin, e ardhmja e të cilit ende është e papërcaktuar.

“Ne duam që Solskjaer të qëndrojë”, – shprehet Pogba. – “Rezultatet janë të jashtëzakonshme, unë kam një marrëdhënie të shkëlqyer me të dhe ai ka një marrëdhënie të shkëlqyeshme me lojtarët.

Ole e meriton konfirmimin në krye të ekipit, ai e njeh klubin, ai di gjithçka për Mançesterin. Ka sjellë pozitivitet dhe rivendosi besimin tek ekipi. ai na dha përsëri lirinë dhe gëzimin e futbollit, të cilin e kishim humbur më pare,” – shton kapiteni francez.

– “Nuk më pëlqen të flas për të kaluarën, dua të mendoj për të ardhmen. Tani jemi mire, jemi ndër katër të parët”.