S’kishte dyshime, ikën Tedesko

Humbja shkatërrimtare 7-0 e Shalke 04 ndaj Mançester Sitit, natyrshëm që nuk do të kapërdihej dhe kalonte pa pasoja në kampin gjerman. Ashtu sikundër pritej, “viktima” e parë do të trajneri “i bluve”, italo-gjermani Domeniko Tedesko.

Drejtuesit e klubit të Shalkes 04 kanë zyrtarizuar shkarkimin e teknikut të tyre 33-vjeçar, duke e zëvendëduar atë përkohësisht me holandezin Hub Stivens, një njohje e vjetër e Shalkes 04.

Shkarkimi i Tedeskos nuk lidhet vetëm me humbjen katastrofike 7-0 në Champions League, por edhe me paraqitjen “e bluve” në Bundesligë, e cila për hir të së vërtetës nuk është mbresëlënëse.

Shalke 04 renditet në vendin e 15-të, ndërkohë që këtë fundjavë do të presë Lajpzigun, një takim ky tepër i rëndësishëm për “blutë mbretërorë” të Bundesligës gjermane, që të mos futen në garën për mbijetesë.

Trajneri i ri italo-gjerman Domeniko Tedesko, e drejtonte Shalke 04 që nga vera e vitit 2017. Në krye të pankinës “së bluve” ai asistoi në 75 takime, duke arritur 33 fitore dhe pësuar 25 humbje.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!