Champions: Liverpul i frikshëm, Barça dërrmon Lionin…
Pas tetë sezonesh, Bajern Mynih jashtë. Gjermanët janë gjunjëzuar përballë Liverpulit të Jurgen Klop, i cili triumfoi në Mynih me shifrat 3-1. Dominimi i skuadrave angleze përgjatë këtij edicioni në Champions, u mishërua shkëlqyer në të fundit ditë të takimëve që nisën në fillim të javës.
Natë e zezë për bararezët, ndërsa me zërin e Levandovskit, pas ndeshjes, vetë futbollistët kanë hedhur akuza të forta ndaj rolit dhe zgjedhjeve të Niko Kovaç. Befas, në kampin bararez, hapet tema e largimit të kroatit…
Nga ana tjetër, Liverpul, pas asaj paraqitjeje brilante, vijon të mbajë gjallë shpresat për të qenë kompetitiv, jo vetëm në Premier Ligë, por dhe në sofrën e ekipeve që do pretendojnë trofeun më të rëndësishem në Europë.
Në sfiden tjetër, Barcelona bën detyrën, teksa shpartallon Lionin 5-1. “Sporti IM”, në një shkrim të tijin në vigjilje të takimeve të thata në të vajtjes, pati paralajmëruar gola dhe një gjë e tillë u realizua, jo vetëm te çifti në Mynih, por dhe në takimin mes Barçes dhe Lionit. Si gjithnjë, i papërmbjatshëm Mesi…
“Pleshti” iu përgjigj Ronaldos, me dy gola dhe dy asiste, por argjentinasi pati meritën e madhe post-takimit, ndërsa foli me superlativa për kundërshtarin e tij të përjetshëm, portugezin Kristiano Ronaldo. “Ronaldo dhe Juventus ishin të jashtëzakonshëm. Para atij dueli, mendoja ndyshe. E kam konsideruar Atletikon më të fortë, por Ronaldo pati një mbrëmje magjike duke shënuar 3 gola”, deklaroi Mesi.
