Nesër, topi nis rrotullimin…
Pas tryezës së rrumbullakët që qeveria organizoi me të gjithë presidentët e klubeve, futbolli do të rifillojë nesër me ndeshjet e Kupës dhe në fundjavë me ndeshjet e kampionatit si normalisht.
Topi i futbollit nis rrotullimin… Të gjitha klubet kanë marrë njoftim nga Federata Shqiptare e Futbollit dhe bojkoti merr fund.
Pra, nesër do të kemi dy sfida për Kupën e Shqipërisë, Partizani do të luajë me Luftëtarin, ndërsa Teuta do të presë Kukësin.
Të mërkurën do të luhet takimi Tirana – Laçi.
Skënderbeu, meqë Kamza është skualifikuar nga gara dhe që ishte kundërshtari i tij për këtë kompeticion, kalon automatikisht në gjysmëfinalet e Kupës së 67-të të Shqipërisë.
