Ferit Keta, i pamposhtur…
Pinjolli i familjes Keta, Feriti, në ringun spanjol tregoi në mbrëmjen e së shtunës se është i pamposhtur. pavarësisht nga kundërshtari që i del përballë.
Kësaj here ai mundi me K.O. teknik në raundin e 5-të kundërshtarin e tij argjentinas, Zarate, që konsiderohej si boksier i pathyeshëm në peshën “cruiser”.
Qysh në raundin e parë në ndeshjen që u zhvillua në Spanjë, boksieri shqiptar Keta dëshmoi se do të ishte ai që do të diktonte garën.
Një breshëri grushtesh, që tronditi keqazi boksierin argjentinas. Rezistenca e Zarates zgjati deri në raundin e 5-të, ku argjentinasi u tërhoq, duke pranuan humbjen e takimit me K.O. teknik.
12 ndeshje, 12 fitore, janë treguesit teknikë të të talentuarit Ferit Keta, shifra këto që e bëjnë boksierin shqiptar të pamposhtur në ringun ndërkombëtar.
