Federer në histori, mbërrin në tri shifra

Tenisti 37 vjeçar, kap 100 trofe ne karrierë

Zviceriani Roxher Federer, mbërrin trofeun e 100-të ne karrierë. Në Dubai, 37-vjeçari, mjeshtëri i madh i “raketës”, mundi Stefanos Tsitsipas në shifrat 6-4. 

Sukseset e Federer, startuan në 2001 në Milano dhe pas 18 viteve karrierë, iu desh të përballej  me 21-vjeçarin Tsitsipas, për të mbërritur te fitoret me tri shifra. 

Për më tepër, tenisti veteran, i aftë të qëndojë me raketë në duar për disa vite të tjerë, mund të synojë dhe rekordin e Xhimi Konors, i cili ka fituar 109 trofe në 164 finale.

“Nuk di të them nëse Tsitsipas kishte lindur kur unë kam fituar trofeun e parë,”- tha duke  bërë shaka zviceriani.  “Ai është talent, shumë lojtar i fortë dhe ishte e vështirë  ta mundje.”

Më tej numri 7 në top–listën e klasifikimit botëror në tenis, u shpreh  se ndihej mjaft i lumtur për trofeun. “Po jetoj diçka speciale dhe jam shumë i lumtur. Ëndrra për të arritur në 100 trofe të fituar, u bë realitet. I lumtuar që ia dola”.

Për tenistin helen, Tsitsipas, me një staturë për t’u admiruar (1.93 cm), karriera është e sigurtë. Ndaj gjigandëve të sportit “borgjez”, ndonjëherë  ke se çfarë mëson edhe në rastet  kur  humbet.

Ajo që mbetet, 100 fitoret e Federer në Atp.