Klasike dhe në Kupë, Real – Barcelona ndez mbrëmjen…
Real Madrid – Barcelona sonte në “Santiago Bernabeu” për ndeshjen e dytë të gjysmëfinales së kupës së mbretit. E gjitha pritet të vendoset në Madrid në një sfidë relativisht të ndezur.
Vetë shifrat e takimit të vajtjes, bindin se sonte në kryeqytetin spanjoll, do të luhet akti i radhës me pritshmëri globale. Lukas Vaskuez për “Los Blancos” dhe Malkom te katalanasit, autorët e golave.
Në kampin merëngues, mungon Isko. Mesfushoi madrilen, nuk është ftuar për këtë ndeshje nga ana e trajnerit Santiago Solari, ndërsa Marselo dhe Bejl, pritet të jenë në stolin rezervë.
Në anën tjetër Rafinja, Çilesen, Artur dhe Vermaelen nuk pritet të startojnë për blaugranët.
Kështu, pas pak orësh, dueli më i madh në botë do të jetë gati. Interesimi për këtë klasike, ka pushtuar boten teksa Mesi, Benzema dhe futbollistët e tjerë të klasit të lartë, garantojnë spektaklin e radhës..
Në gjashtë ndeshjet e fundit mes këtyre dyja skuadrave, Reali dhe Barça kanë nga dy fitore. Në dy raste janë ndarë barazim.
Pas përfundimit të këtij takimi, njëra nga skuadrat, do të presë biletën e parë të finales së “Vanda Metropolitano”.