Marselo drejt Torinos, Taljafiko në planet e Realit


Rikardo Shlieper, agjenti i mbrojtësit të Ajaksit, Taljafiko, ka telefonuar sot në programin sportiv të Radio Rivadavia, duke e bërë fakt të kryer kalimin e  Marselos te Juventus. Menaxheri i mbrojtësit Nikolas Taljafiko, shpjegoi se futbollisti i tij, pjesë aktuale e Ajaks, pritet të zërë në verë, vendin  e  brazilianit.

“Thuhet se është në listën e Real Madrid, pasi Marselo, do të shkojë te Juventus. Ka pasur shumë interesime deri tani, por askush nuk ka  telefonuar ende,” – tha  agjenti i lojtarit argjentinas duke e lënë “topin” në anën e “galaktikëve”

Në fakt, Marselo, me ardhjen e Solarit në krye të Realit, nuk ka  pasur shumë hapsirë. Vetëm 13 herë është ftuar braziliani për të qenë pjesë e  ekipit mbretëror, ndaj largimi i tij nga kampionët e  Europes, duket   formalitet.

I njohur me këtë lajm, Marselo, është munduar të largojë zërat, por prania te Juventus, e mikut të tij të ngushtë Kristiano Ronaldo, mund ta nxisë 31- vjeçarin anësor, të marrë rrugët për një fanellë bardhezi në Torino.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

error: Nuk lejohet kopjimi i materialit!