Flamurtari keqtrajtohet në “Selman Stërmasi”
Pritej që sfida mes Partizanit dhe Flamurtarit, për llogari të javës së 23-të të shërbente si një ndeshje “vitrinë”, mirpo fusha dhe situata me tifozët e të kuqëve, ka evidentuar turpin e madh mes kryeqytetit.
Dhe faji është thuajse i gjithi i arbitrimit skandaloz të shkodranit Indrit Myrtja me ndimësit e tij.
Gjithçka ka nisur pas golit të Ribajt në fund të pjesës së parë teksa vlonjatët po festonin golin e barazimit. Irritimi i tifozëve të kuq, me fotografin në detyrë, e më pas kapërcimi i disa personave të pa-autorizuar me destinacion dhunimin e fotografit vlonjat, është interpretuar turpshëm nga gjyqtari kryesor duke nxjerrë kartonin e kuq autorit të golit Andi Ribaj.
E habitshme se si trupa gjykuese pa vetëm lojtarin e Flamurtarit, ndërkohë që Alban Hoxha, ia doli të kalonte pistën e të merrej me tifozët…duke mos pësuar asgjë.
Por sfida e përfunduar 3-1 për vëndasit, figuron e tjetërsuar dhe e pasuruar në gabime pa fund në dëm të vlonjatëve.
Nisur nga këtu, ndeshja e së shtunës në mbrëmje, “degjeneroi” tërësisht, me Flamurtarin e Vlorës, të cënuar si mos më keq.